دخلو فسرو ليا هاد الاحساس لي جاني

سلام بنات وولاد لجواد حضرت ليلة كناوية دازت غزالة وناشطة وفين ما  تيضربو على شي ملك لي فيه داك الملك تيجذب مهم انا عادية حمد الله تنتفرج لكن ملي واحد طلعو فيه الكزارة ولا منعرف شي حد من الحومر طبعا هز جنوي قدو قداش بدا يضرب فراسو انا غمضت عيني مشفت والو منقدرش نشوف الدم كلشي تيتفرج وانا هبط فولار فوق راسي باش منشوفش مهم ضربو على اغلب الملوك الا عايشة انا بلا شعور تعصبت شداتني البكية قلت لصاحبتي علاش حكرو عايشة مجبدوش حسها علاش ميضربوش ليها تاهي شي طرح باسمها قالت لي ملي نتي بغيتي يضربو عليها ...